Asa Hendry, Xdzunúm Trejo, Nadina Derungs: ARCHIV - In’avischinaziun corporala al quescher — Cinema Sil Plaz GR

Cun «archiv» presenta Asa Hendry in text da teater che tracta il quescher en famiglia e la transmissiun da traumas denter las generaziuns ell’agricultura da muntogna.
La sera entscheiva cun ina performance dad Asa Hendry e la saltunza Xdzunúm Trejo, ella quala plaids giogan ina rolla impurtonta, era sch’els vegnan buca pronunziai. Moviment e scartira lain sentir corporalmein il nundetg.
Silsuenter suonda in discuors (romontsch, parzialmein engles) cull’editura Nadina Derungs dalla Chasa Editura Rumantscha davart il text «archiv» e sia realisziun artistica.

Treis casas, ina tribuna: il Cinema Sil Plaz, la Chasa da Litteratura dal Grischun LIT e la Chasa Editura Rumantscha envidan communablamein.